Sarga 68 from Uttara Kanda of the Valmiki Ramayana.
kathāṃ kathayatāṃ teṣāṃ jayaṃ cākāṅkṣatāṃ śubham | vyatītā rajanī śīghraṃ śatrughnasya mahātmanaḥ || 7.68.1 ||
Reading original text only. Use the controls to switch on an available commentary or source layer.
tataḥ prabhāte vimale tasminkāle sa rākṣasaḥ | nirgatastu purāddhīro bhakṣyāhārapracoditaḥ || 7.68.2 ||
Reading original text only. Use the controls to switch on an available commentary or source layer.
etasminnantare vīraḥ śatrughno yamunāṃ nadīm | tīrtvā madhupuradvāri dhanuṣpāṇiratiṣṭhata || 7.68.3 ||
Reading original text only. Use the controls to switch on an available commentary or source layer.
tato 'rdhadivase prāpte krūrakarmā sa rākṣasaḥ | āgacchadbahusāhasraṃ prāṇināṃ bhāramudvahan || 7.68.4 ||
Reading original text only. Use the controls to switch on an available commentary or source layer.
tato dadarśa śatrughnaṃ sthitaṃ dvāri dhṛtāyudham | tamuvāca tato rakṣaḥ kimanena kariṣyasi || 7.68.5 ||
Reading original text only. Use the controls to switch on an available commentary or source layer.
īdṛśānāṃ sahasrāṇi sāyudhānāṃ narādhama | bhakṣitāni mayā roṣātkālamākāṅkṣase nu kim || 7.68.6 ||
Reading original text only. Use the controls to switch on an available commentary or source layer.
āhāraścāsya sampūrṇo mamāyaṃ puruṣādhama | svayaṃ praviṣṭo 'dya mukhaṃ kathamāsādya durmate || 7.68.7 ||
Reading original text only. Use the controls to switch on an available commentary or source layer.
tasyaivaṃ bhāṣamāṇasya hasataśca muhurmuhuḥ | śatrughno vīryasampanno roṣādaśrūṇyavāsṛjat || 7.68.8 ||
Reading original text only. Use the controls to switch on an available commentary or source layer.
tasya roṣābhibhūtasya śatrughnasya mahātmanaḥ | tejomayā marīcyastu sarvagātrairviniṣpatan || 7.68.9 ||
Reading original text only. Use the controls to switch on an available commentary or source layer.
uvāca ca susaṅkruddhaḥ śatrughnastaṃ niśācaram | yoddhumicchāmi durbuddhe dvandvayuddhaṃ tvayā saha || 7.68.10 ||
Reading original text only. Use the controls to switch on an available commentary or source layer.
putro daśarathasyāhaṃ bhrātā rāmasya dhīmataḥ | śatrughno nityaśatrughno vadhākāṅkṣī tavāgataḥ || 7.68.11 ||
Reading original text only. Use the controls to switch on an available commentary or source layer.
tasya me yuddhakāmasya dvandvayuddhaṃ pradīyatām | śatrustvaṃ sarvabhūtānāṃ na me jīvangamiṣyasi || 7.68.12 ||
Reading original text only. Use the controls to switch on an available commentary or source layer.
tasmiṃstathā bruvāṇe tu rākṣasaḥ prahasanniva | pratyuvāca naraśreṣṭhaṃ diṣṭyā prāpto 'si durmate || 7.68.13 ||
Reading original text only. Use the controls to switch on an available commentary or source layer.
mama mātṛṣvasurbhrātā rāvaṇo rākṣasādhipaḥ | hato rāmeṇa durbuddhe strīhetoḥ puruṣādhama || 7.68.14 ||
Reading original text only. Use the controls to switch on an available commentary or source layer.
tacca sarvaṃ mayā kṣāntaṃ rāvaṇasya kulakṣayam | avajñāṃ purataḥ kṛtvā mayā yūyaṃ viśeṣataḥ || 7.68.15 ||
Reading original text only. Use the controls to switch on an available commentary or source layer.
nihatāśca hi me sarve paribhūtāstṛṇaṃ yathā | bhūtāścaiva bhaviṣyāśca yūyaṃ ca puruṣādhamāḥ || 7.68.16 ||
Reading original text only. Use the controls to switch on an available commentary or source layer.
tasya te yuddhakāmasya yuddhaṃ dāsyāmi durmate | tiṣṭhaṃ tvaṃ ca muhūrtaṃ tu yāvadāyudhamānaye | īpsitaṃ yādṛśaṃ tubhyaṃ sajjaye yāvadāyudham || 7.68.17 ||
Reading original text only. Use the controls to switch on an available commentary or source layer.
tamuvācāśu śatrughnaḥ kva me jīvangamiṣyasi | śatruryadṛcchayā dṛṣṭo na moktavyaḥ kṛtātmanā || 7.68.18 ||
Reading original text only. Use the controls to switch on an available commentary or source layer.
yo hi viklavayā buddhyā prasaraṃ śatrave dadau | sa hato mandabuddhitvādyathā kāpuruṣastathā || 7.68.19 ||
Reading original text only. Use the controls to switch on an available commentary or source layer.
tasmātsudṛṣṭaṃ kuru jīvalokaṃ śaraiḥ śitaistvāṃ vividhairnayāmi | yamasya gehābhimukhaṃ hi pāpaṃ ripuṃ trilokasya ca rāghavasya || 7.68.20 ||
Reading original text only. Use the controls to switch on an available commentary or source layer.
ityārṣe śrīmadrāmāyaṇe vālmīkīye ādikāvye śrīmaduttarakāṇḍe 'ṣṭaṣaṣṭitamaḥ sargaḥ || 68 ||
Reading original text only. Use the controls to switch on an available commentary or source layer.