Skip to content
Slokas.com Scripture Library
Uttara Kanda Sarga 69 41 Shlokas

Sarga 69

Sarga 69 from Uttara Kanda of the Valmiki Ramayana.

Shloka 1
तच्छ्रुत्वा भाषितं तस्य शत्रुघ्नस्य महात्मनः । क्रोधामाहारयत्तीव्रं तिष्ठ तिष्ठेति चाब्रवीत् ।। 7.69.1 ।।

tacchrutvā bhāṣitaṃ tasya śatrughnasya mahātmanaḥ | krodhāmāhārayattīvraṃ tiṣṭha tiṣṭheti cābravīt || 7.69.1 ||

Reading original text only. Use the controls to switch on an available commentary or source layer.

Read full shloka meaning
Shloka 2
पाणौ पाणिं विनिष्पिष्य दन्तान्कटकटाय्य च । लवणो रघुशार्दूलमाह्वयामास चासकृत् ।। 7.69.2 ।।

pāṇau pāṇiṃ viniṣpiṣya dantānkaṭakaṭāyya ca | lavaṇo raghuśārdūlamāhvayāmāsa cāsakṛt || 7.69.2 ||

Reading original text only. Use the controls to switch on an available commentary or source layer.

Read full shloka meaning
Shloka 3
तं ब्रुवाणं तथा वाक्यं लवणं घोरदर्शनम् । शत्रुघ्नो देवशत्रुघ्न इदं वचनमब्रवीत् ।। 7.69.3 ।।

taṃ bruvāṇaṃ tathā vākyaṃ lavaṇaṃ ghoradarśanam | śatrughno devaśatrughna idaṃ vacanamabravīt || 7.69.3 ||

Reading original text only. Use the controls to switch on an available commentary or source layer.

Read full shloka meaning
Shloka 4
न शत्रुघ्नस्तथा जातो यथा ऽन्ये निर्जितास्त्वया । तदद्य बाणाभिहतो व्रज त्वं यमसादनम् ।। 7.69.4 ।।

na śatrughnastathā jāto yathā 'nye nirjitāstvayā | tadadya bāṇābhihato vraja tvaṃ yamasādanam || 7.69.4 ||

Reading original text only. Use the controls to switch on an available commentary or source layer.

Read full shloka meaning
Shloka 5
ऋषयो ऽप्यद्य पापात्मन्मया त्वां निहतं रणे । पश्यन्तु विप्रा विद्वांसस्त्रिदशा इव रावणम् ।। 7.69.5 ।।

ṛṣayo 'pyadya pāpātmanmayā tvāṃ nihataṃ raṇe | paśyantu viprā vidvāṃsastridaśā iva rāvaṇam || 7.69.5 ||

Reading original text only. Use the controls to switch on an available commentary or source layer.

Read full shloka meaning
Shloka 6
त्वयि मद्बाणनिर्दग्धे पतिते ऽद्य निशाचर । पुरे जनपदे चापि क्षेममेव भविष्यति ।। 7.69.6 ।।

tvayi madbāṇanirdagdhe patite 'dya niśācara | pure janapade cāpi kṣemameva bhaviṣyati || 7.69.6 ||

Reading original text only. Use the controls to switch on an available commentary or source layer.

Read full shloka meaning
Shloka 7
अद्य मद्बाहुनिष्क्रान्तः शरो वज्रनिभाननः । प्रवेक्ष्यते ते हृदयं पद्ममंशुरिवार्कजः ।। 7.69.7 ।।

adya madbāhuniṣkrāntaḥ śaro vajranibhānanaḥ | pravekṣyate te hṛdayaṃ padmamaṃśurivārkajaḥ || 7.69.7 ||

Reading original text only. Use the controls to switch on an available commentary or source layer.

Read full shloka meaning
Shloka 8
एवमुक्तो महावृक्षं लवणः क्रोधमूर्च्छितः । शत्रुघ्नोरसि चिक्षेप स च तं शतधाच्छिनत् ।। 7.69.8 ।।

evamukto mahāvṛkṣaṃ lavaṇaḥ krodhamūrcchitaḥ | śatrughnorasi cikṣepa sa ca taṃ śatadhācchinat || 7.69.8 ||

Reading original text only. Use the controls to switch on an available commentary or source layer.

Read full shloka meaning
Shloka 9
तद्दृष्ट्वा विफलं कर्म राक्षसः पुनरेव तु । पादपान्सुबहून्गृह्य शत्रुघ्नायासृजद्बली ।। 7.69.9 ।।

taddṛṣṭvā viphalaṃ karma rākṣasaḥ punareva tu | pādapānsubahūngṛhya śatrughnāyāsṛjadbalī || 7.69.9 ||

Reading original text only. Use the controls to switch on an available commentary or source layer.

Read full shloka meaning
Shloka 10
शत्रुघ्नश्चापि तेजस्वी वृक्षानापततो बहून् । त्रिभिश्चतुर्भिरेकैकं चिच्छेद नतपर्वभिः ।। 7.69.10 ।।

śatrughnaścāpi tejasvī vṛkṣānāpatato bahūn | tribhiścaturbhirekaikaṃ ciccheda nataparvabhiḥ || 7.69.10 ||

Reading original text only. Use the controls to switch on an available commentary or source layer.

Read full shloka meaning
Shloka 11
ततो बाणमयं वर्षं व्यसृजद्राक्षसोरसि । शत्रुघ्नो वीर्यसम्पन्नो विव्यथे न स राक्षसः ।। 7.69.11 ।।

tato bāṇamayaṃ varṣaṃ vyasṛjadrākṣasorasi | śatrughno vīryasampanno vivyathe na sa rākṣasaḥ || 7.69.11 ||

Reading original text only. Use the controls to switch on an available commentary or source layer.

Read full shloka meaning
Shloka 12
ततः प्रहस्य लवणो वृक्षमुद्यम्य वीर्यवान् । शिरस्यभ्यहनच्छूरं स्रस्ताङ्गः स मुमोह वै ।। 7.69.12 ।।

tataḥ prahasya lavaṇo vṛkṣamudyamya vīryavān | śirasyabhyahanacchūraṃ srastāṅgaḥ sa mumoha vai || 7.69.12 ||

Reading original text only. Use the controls to switch on an available commentary or source layer.

Read full shloka meaning
Shloka 13
तस्मिन्निपतिते वीरे हाहाकारो महानभूत् । ऋषीणां देवसङ्घानां गन्धर्वाप्सरसां तथा ।। 7.69.13 ।।

tasminnipatite vīre hāhākāro mahānabhūt | ṛṣīṇāṃ devasaṅghānāṃ gandharvāpsarasāṃ tathā || 7.69.13 ||

Reading original text only. Use the controls to switch on an available commentary or source layer.

Read full shloka meaning
Shloka 14
तमवज्ञाय तु हतं शत्रुघ्नं भुवि पातितम् । रक्षो लब्धान्तरमपि न विवेश स्वमालयम् ।। 7.69.14 ।।

tamavajñāya tu hataṃ śatrughnaṃ bhuvi pātitam | rakṣo labdhāntaramapi na viveśa svamālayam || 7.69.14 ||

Reading original text only. Use the controls to switch on an available commentary or source layer.

Read full shloka meaning
Shloka 15
नापि शूलं प्रजग्राह तं दृष्ट्वा भुवि पातितम् । ततो हत इति ज्ञात्वा तान्भक्षान्समुदावहत् ।। 7.69.15 ।।

nāpi śūlaṃ prajagrāha taṃ dṛṣṭvā bhuvi pātitam | tato hata iti jñātvā tānbhakṣānsamudāvahat || 7.69.15 ||

Reading original text only. Use the controls to switch on an available commentary or source layer.

Read full shloka meaning
Shloka 16
मुहूर्ताल्लब्धसञ्ज्ञस्तु पुनस्तस्थौ धृतायुधः । शत्रुघ्नो वै पुरद्वारि ऋषिभिः सम्प्रपूजितः ।। 7.69.16 ।।

muhūrtāllabdhasañjñastu punastasthau dhṛtāyudhaḥ | śatrughno vai puradvāri ṛṣibhiḥ samprapūjitaḥ || 7.69.16 ||

Reading original text only. Use the controls to switch on an available commentary or source layer.

Read full shloka meaning
Shloka 17
ततो दिव्यममोघं तं जग्राह शरमुत्तमम् । ज्वलन्तं तेजसा घोरं पूरयन्तं दिशो दश ।। 7.69.17 ।।

tato divyamamoghaṃ taṃ jagrāha śaramuttamam | jvalantaṃ tejasā ghoraṃ pūrayantaṃ diśo daśa || 7.69.17 ||

Reading original text only. Use the controls to switch on an available commentary or source layer.

Read full shloka meaning
Shloka 18
वज्राननं वज्रवेगं मेरुमन्दरसन्निभम् । नतं पर्वसु सर्वेषु संयुगेष्वपराजितम् ।। 7.69.18 ।।

vajrānanaṃ vajravegaṃ merumandarasannibham | nataṃ parvasu sarveṣu saṃyugeṣvaparājitam || 7.69.18 ||

Reading original text only. Use the controls to switch on an available commentary or source layer.

Read full shloka meaning
Shloka 19
असृक्चन्दनदिग्धाङ्गं चारुपत्रं पतत्रिणम् । दानवेन्द्राचलेन्द्राणामसुराणां च दारणम् ।। 7.69.19 ।।

asṛkcandanadigdhāṅgaṃ cārupatraṃ patatriṇam | dānavendrācalendrāṇāmasurāṇāṃ ca dāraṇam || 7.69.19 ||

Reading original text only. Use the controls to switch on an available commentary or source layer.

Read full shloka meaning
Shloka 20
तं दीप्तमिव कालाग्निं युगान्ते समुपस्थिते । दृष्ट्वा सर्वाणि भूतानि परित्रासमुपागमन् ।। 7.69.20 ।।

taṃ dīptamiva kālāgniṃ yugānte samupasthite | dṛṣṭvā sarvāṇi bhūtāni paritrāsamupāgaman || 7.69.20 ||

Reading original text only. Use the controls to switch on an available commentary or source layer.

Read full shloka meaning
Shloka 21
सदेवासुरगन्धर्वं मुनिभिः साप्सरोगणम् । जगद्धि सर्वमस्वस्थं पितामहमुपस्थितम् ।। 7.69.21 ।।

sadevāsuragandharvaṃ munibhiḥ sāpsarogaṇam | jagaddhi sarvamasvasthaṃ pitāmahamupasthitam || 7.69.21 ||

Reading original text only. Use the controls to switch on an available commentary or source layer.

Read full shloka meaning
Shloka 22
उवाच देवदेवेशं वरदं प्रपितामहम् । देवानां भयसंमोहो लोकानां सङ्क्षयं प्रति ।। 7.69.22 ।।

uvāca devadeveśaṃ varadaṃ prapitāmaham | devānāṃ bhayasaṃmoho lokānāṃ saṅkṣayaṃ prati || 7.69.22 ||

Reading original text only. Use the controls to switch on an available commentary or source layer.

Read full shloka meaning
Shloka 23
नेदृशं दृष्टपूर्वं च न श्रुतं प्रपितामह । देवानां भयसम्मोहो लोकानां सङ्क्षयं प्रति ।। 7.69.23 ।।

nedṛśaṃ dṛṣṭapūrvaṃ ca na śrutaṃ prapitāmaha | devānāṃ bhayasammoho lokānāṃ saṅkṣayaṃ prati || 7.69.23 ||

Reading original text only. Use the controls to switch on an available commentary or source layer.

Read full shloka meaning
Shloka 24
तेषां तद्वचनं श्रुत्वा ब्रह्मा लोकपितामहः । भयकारणमाचष्ट लोकानामभयङ्करः । उवाच मधुरां वाणीं शृणुध्वं सर्वदेवताः ।। 7.69.24 ।।

teṣāṃ tadvacanaṃ śrutvā brahmā lokapitāmahaḥ | bhayakāraṇamācaṣṭa lokānāmabhayaṅkaraḥ | uvāca madhurāṃ vāṇīṃ śṛṇudhvaṃ sarvadevatāḥ || 7.69.24 ||

Reading original text only. Use the controls to switch on an available commentary or source layer.

Read full shloka meaning
Shloka 25
वधाय लवणस्याजौ शरः शत्रुघ्नधारितः । तेजसा तस्य सम्मूढाः सर्वे स्मः सुरसत्तमाः ।। 7.69.25 ।।

vadhāya lavaṇasyājau śaraḥ śatrughnadhāritaḥ | tejasā tasya sammūḍhāḥ sarve smaḥ surasattamāḥ || 7.69.25 ||

Reading original text only. Use the controls to switch on an available commentary or source layer.

Read full shloka meaning
Shloka 26
एष पूर्वस्य देवस्य लोककर्तुः सनातनः । शरस्तेजोमयो वत्सा येन वै भयमागतम् ।। 7.69.26 ।।

eṣa pūrvasya devasya lokakartuḥ sanātanaḥ | śarastejomayo vatsā yena vai bhayamāgatam || 7.69.26 ||

Reading original text only. Use the controls to switch on an available commentary or source layer.

Read full shloka meaning
Shloka 27
एष वै कैटभस्यार्थे मधुनश्च महाशरः । सृष्टो महात्मना तेन वधार्थे दैत्ययोस्तयोः ।। 7.69.27 ।।

eṣa vai kaiṭabhasyārthe madhunaśca mahāśaraḥ | sṛṣṭo mahātmanā tena vadhārthe daityayostayoḥ || 7.69.27 ||

Reading original text only. Use the controls to switch on an available commentary or source layer.

Read full shloka meaning
Shloka 28
एक एव प्रजानाति विष्णुस्तेजोमयं शरम् । एषा एव तनुः पूर्वा विष्णोस्तस्य महात्मनः ।। 7.69.28 ।।

eka eva prajānāti viṣṇustejomayaṃ śaram | eṣā eva tanuḥ pūrvā viṣṇostasya mahātmanaḥ || 7.69.28 ||

Reading original text only. Use the controls to switch on an available commentary or source layer.

Read full shloka meaning
Shloka 29
इतो गच्छत पश्यध्वं वध्यमानं महात्मना । रामानुजेन वीरेण लवणं राक्षसोत्तमम् ।। 7.69.29 ।।

ito gacchata paśyadhvaṃ vadhyamānaṃ mahātmanā | rāmānujena vīreṇa lavaṇaṃ rākṣasottamam || 7.69.29 ||

Reading original text only. Use the controls to switch on an available commentary or source layer.

Read full shloka meaning
Shloka 30
तस्य ते देवदेवस्य निशम्य वचनं सुराः । आजग्मुर्यत्र युध्येते शत्रुघ्नलवणावुभौ ।। 7.69.30 ।।

tasya te devadevasya niśamya vacanaṃ surāḥ | ājagmuryatra yudhyete śatrughnalavaṇāvubhau || 7.69.30 ||

Reading original text only. Use the controls to switch on an available commentary or source layer.

Read full shloka meaning
Shloka 31
तं शरं दिव्यसङ्काशं शत्रुघ्नकरधारितम् । ददृशुः सर्वभूतानि युगान्ताग्निमिवोत्थितम् ।। 7.69.31 ।।

taṃ śaraṃ divyasaṅkāśaṃ śatrughnakaradhāritam | dadṛśuḥ sarvabhūtāni yugāntāgnimivotthitam || 7.69.31 ||

Reading original text only. Use the controls to switch on an available commentary or source layer.

Read full shloka meaning
Shloka 32
अकाशमावृतं दृष्ट्वा देवैर्हि रघुनन्दनः । सिंहनादं भृशं कृत्वा ददर्श लक्षणं पुनः ।। 7.69.32 ।।

akāśamāvṛtaṃ dṛṣṭvā devairhi raghunandanaḥ | siṃhanādaṃ bhṛśaṃ kṛtvā dadarśa lakṣaṇaṃ punaḥ || 7.69.32 ||

Reading original text only. Use the controls to switch on an available commentary or source layer.

Read full shloka meaning
Shloka 33
आहूतश्च पुनस्तेन शत्रुघ्नेन महात्मना । लवणः क्रोधसंयुक्तो युद्धाय समुपस्थितः ।। 7.69.33 ।।

āhūtaśca punastena śatrughnena mahātmanā | lavaṇaḥ krodhasaṃyukto yuddhāya samupasthitaḥ || 7.69.33 ||

Reading original text only. Use the controls to switch on an available commentary or source layer.

Read full shloka meaning
Shloka 34
आकर्णात्स विकृष्याथ तद्धनुर्धन्विनां वरः । तं मुमोच महाबाणं लवणस्य महोरसि ।। 7.69.34 ।।

ākarṇātsa vikṛṣyātha taddhanurdhanvināṃ varaḥ | taṃ mumoca mahābāṇaṃ lavaṇasya mahorasi || 7.69.34 ||

Reading original text only. Use the controls to switch on an available commentary or source layer.

Read full shloka meaning
Shloka 35
उरस्तस्य विदार्याशु प्रविवेश रसातलम् ।। 7.69.35 ।।

urastasya vidāryāśu praviveśa rasātalam || 7.69.35 ||

Reading original text only. Use the controls to switch on an available commentary or source layer.

Read full shloka meaning
Shloka 36
गत्वा रसातलं दिव्यः शरो विबुधपूजितः । पुनरेवागमत्तूर्णमिक्ष्वाकुकुलनन्दनम् ।। 7.69.36 ।।

gatvā rasātalaṃ divyaḥ śaro vibudhapūjitaḥ | punarevāgamattūrṇamikṣvākukulanandanam || 7.69.36 ||

Reading original text only. Use the controls to switch on an available commentary or source layer.

Read full shloka meaning
Shloka 37
शत्रुघ्नशरनिर्भिन्नो लवणः स निशाचरः । पपात सहसा भूमौ वज्राहत इवाचलः ।। 7.69.37 ।।

śatrughnaśaranirbhinno lavaṇaḥ sa niśācaraḥ | papāta sahasā bhūmau vajrāhata ivācalaḥ || 7.69.37 ||

Reading original text only. Use the controls to switch on an available commentary or source layer.

Read full shloka meaning
Shloka 38
तच्च शूलं महत्तेन हते लवणराक्षसे । पश्यतां सर्वदेवानां रुद्रस्य वशमन्वगात् ।। 7.69.38 ।।

tacca śūlaṃ mahattena hate lavaṇarākṣase | paśyatāṃ sarvadevānāṃ rudrasya vaśamanvagāt || 7.69.38 ||

Reading original text only. Use the controls to switch on an available commentary or source layer.

Read full shloka meaning
Shloka 39
एकेषुपातेन भृशं निपात्य लोकत्रयस्यापि रघुप्रवीरः । विनिर्बभावुत्तमचापबाणस्तमः प्रणुद्येव सहस्ररश्मिः ।। 7.69.39 ।।

ekeṣupātena bhṛśaṃ nipātya lokatrayasyāpi raghupravīraḥ | vinirbabhāvuttamacāpabāṇastamaḥ praṇudyeva sahasraraśmiḥ || 7.69.39 ||

Reading original text only. Use the controls to switch on an available commentary or source layer.

Read full shloka meaning
Shloka 40
ततो हि देवा ऋषिपन्नगाश्च प्रपूजिरे ह्यप्सरसश्च सर्वाः । दिष्ट्या जयो दाशरथेरवाप्तस्त्यक्त्वा भयं सर्प इव प्रशान्तः ।। 7.69.40 ।।

tato hi devā ṛṣipannagāśca prapūjire hyapsarasaśca sarvāḥ | diṣṭyā jayo dāśaratheravāptastyaktvā bhayaṃ sarpa iva praśāntaḥ || 7.69.40 ||

Reading original text only. Use the controls to switch on an available commentary or source layer.

Read full shloka meaning
Shloka 41
इत्यार्षे श्रीमद्रामायणे वाल्मीकीये आदिकाव्ये श्रीमदुत्तरकाण्डे एकोनसप्ततितमः सर्गः ।। 69 ।।

ityārṣe śrīmadrāmāyaṇe vālmīkīye ādikāvye śrīmaduttarakāṇḍe ekonasaptatitamaḥ sargaḥ || 69 ||

Reading original text only. Use the controls to switch on an available commentary or source layer.

Read full shloka meaning
← Prev Sarga Sargas Index Next Sarga →