Sarga 98 from Uttara Kanda of the Valmiki Ramayana.
rasātalaṃ praviṣṭāyāṃ vaidehyāṃ sarvavānarāḥ | cukruśuḥ sādhu sādhvīti munayo rāmasannidhau || 7.98.1 ||
Reading original text only. Use the controls to switch on an available commentary or source layer.
daṇḍakāṣṭhamavaṣṭabhya bāṣpavyākulitekṣaṇaḥ | avākchirā dīnamanā rāmo hyāsītsuduḥkhitaḥ || 7.98.2 ||
Reading original text only. Use the controls to switch on an available commentary or source layer.
sa ruditvā ciraṃ kālaṃ bahuśo bāṣpamutsṛjan | krodhaśokasamāviṣṭo rāmo vacanamabravīt || 7.98.3 ||
Reading original text only. Use the controls to switch on an available commentary or source layer.
abhūtapūrvaṃ śokaṃ me manaḥ spraṣṭumivecchati | paśyato me yathā naṣṭā sītā śrīriva rūpiṇī || 7.98.4 ||
Reading original text only. Use the controls to switch on an available commentary or source layer.
sā 'darśanaṃ purā sītā laṅkāpāre mahodadheḥ | tataścāpi mayānītā kiṃ punarvasudhātalāt || 7.98.5 ||
Reading original text only. Use the controls to switch on an available commentary or source layer.
vasudhe devi bhavati sītā niryātyatāṃ mama | darśayiṣyāmi vā roṣaṃ yathā māmavagacchasi || 7.98.6 ||
Reading original text only. Use the controls to switch on an available commentary or source layer.
kāmaṃ śvaśrūrmamaiva tvaṃ tvatsakāśāddhi maithilī | karṣatā halahastena janakenoddhṛtā purā || 7.98.7 ||
Reading original text only. Use the controls to switch on an available commentary or source layer.
tasmānniryātyatāṃ sītā vivaraṃ vā prayaccha me | pātāle nākapṛṣṭhe vā vaseyaṃ sahitastayā || 7.98.8 ||
Reading original text only. Use the controls to switch on an available commentary or source layer.
ānaya tvaṃ hi tāṃ sītāṃ matto 'haṃ maithilīkṛte | na me dāsyasi cetsītāṃ yathārūpāṃ mahītale || 7.98.9 ||
Reading original text only. Use the controls to switch on an available commentary or source layer.
saparvatavanāṃ kṛtsnāṃ vidhamiṣyāmi te sthitam | nāśayiṣyāmyahaṃ bhūmiṃ sarvamāpo bhavatviha || 7.98.10 ||
Reading original text only. Use the controls to switch on an available commentary or source layer.
evaṃ bruvāṇe kākutsthe krodhaśokasamanvite | brahmā suragaṇaiḥ sārdhamuvāca raghunandanam || 7.98.11 ||
Reading original text only. Use the controls to switch on an available commentary or source layer.
rāma rāma na santāpaṃ kartumarhasi suvrata | smara tvaṃ pūrvakaṃ bhāvaṃ mantraṃ cāmitrakarśana || 7.98.12 ||
Reading original text only. Use the controls to switch on an available commentary or source layer.
na khalu tvāṃ mahābāho smārayeyamanuttamam | imaṃ muhūrtaṃ durdharṣa smara tvaṃ janma vaiṣṇavam || 7.98.13 ||
Reading original text only. Use the controls to switch on an available commentary or source layer.
sītā hi vimalā sādhvī tava pūrvaparāyaṇā | nāgalokaṃ sukhaṃ prāyāttvadāśrayatapobalāt || 7.98.14 ||
Reading original text only. Use the controls to switch on an available commentary or source layer.
svarge te saṅgamo bhūyo bhaviṣyati na saṃśayaḥ | asyāstu pariṣanmadhye yadbravīmi nibodha tat || 7.98.15 ||
Reading original text only. Use the controls to switch on an available commentary or source layer.
etadeva hi kāvyaṃ te kāvyānāmuttamaṃ śrutam | sarvaṃ vistarato rāma vyākhyāsyati na saṃśayaḥ || 7.98.16 ||
Reading original text only. Use the controls to switch on an available commentary or source layer.
janmaprabhṛti te vīra sukhaduḥkhopasevanam | bhaviṣyaduttaraṃ ceha sarvaṃ vālmīkinā kṛtam || 7.98.17 ||
Reading original text only. Use the controls to switch on an available commentary or source layer.
ādikāvyamidaṃ rāma tvayi sarvaṃ pratiṣṭhitam | nahyanyo 'rhati kāvyānāṃ yaśobhāgrāghavādṛte || 7.98.18 ||
Reading original text only. Use the controls to switch on an available commentary or source layer.
śrutaṃ te pūrvametaddhi mayā sarvaṃ suraiḥ saha | divyamadbhutarūpaṃ ca satyavākyamanāvṛtam || 7.98.19 ||
Reading original text only. Use the controls to switch on an available commentary or source layer.
sa tvaṃ puruṣaśārdūla dharmeṇa susamāhitaḥ | śeṣaṃ bhaviṣyaṃ kākutstha kāvyaṃ rāmāyaṇaṃ śṛṇu || 7.98.20 ||
Reading original text only. Use the controls to switch on an available commentary or source layer.
uttaraṃ nāma kāvyasya śeṣamatra mahāyaśaḥ | tacchṛṇuṣva mahāteja ṛṣibhiḥ sārdhamuttamam || 7.98.21 ||
Reading original text only. Use the controls to switch on an available commentary or source layer.
na khalvanyena kākutstha śrotavyamidamuttamam | paramam ṛṣiṇā vīra tvayaiva raghunandana || 7.98.22 ||
Reading original text only. Use the controls to switch on an available commentary or source layer.
etāvaduktvā vacanaṃ brahmā tribhuvaneśvaraḥ | jagāma tridivaṃ devo devaiḥ saha sabāndhavaiḥ || 7.98.23 ||
Reading original text only. Use the controls to switch on an available commentary or source layer.
ye ca tatra mahātmāna ṛṣayo brāhmalaukikāḥ | brahmaṇā samanujñātā nyavartanta mahaujasaḥ | uttaraṃ śrotumanaso bhaviṣyaṃ yacca rāghave || 7.98.24 ||
Reading original text only. Use the controls to switch on an available commentary or source layer.
tato rāmaḥ śubhāṃ vāṇīṃ devadevasya bhāṣitām | śrutvā paramatejasvī vālmīkimidamabravīt || 7.98.25 ||
Reading original text only. Use the controls to switch on an available commentary or source layer.
bhagavan śrotumanasa ṛṣayo brāhmalaukikāḥ | bhaviṣyaduttaraṃ yanme śvobhūte sampravartatām || 7.98.26 ||
Reading original text only. Use the controls to switch on an available commentary or source layer.
evaṃ viniścayaṃ kṛtvā sampragṛhya kuśīlavau | taṃ janaughaṃ visṛjyātha parṇaśālāmupāgamat | tāmeva śocataḥ sītāṃ sā vyatīyāya śarvarī || 7.98.27 ||
Reading original text only. Use the controls to switch on an available commentary or source layer.
ityārṣe śrīmadrāmāyaṇe vālmīkīye ādikāvye śrīmaduttarakāṇḍe 'ṣṭanavatitamaḥ sargaḥ || 98 ||
Reading original text only. Use the controls to switch on an available commentary or source layer.